MINGLANILLA - MAY KAUGMA-ON BA ANG MGA SENIOR CITIZENS?

MEDICAL MISSIONS, REALLY?

NOT AN OSMENA NOR A RAMA, GUV GWEN GARICA IS NOT GIVING CASH OPTIONS TO SENIOR CITIZENS IN THE MUNICIPALITIES. SHE WOULD RATHER GO FOR FREE MEDICAL MISSIONS WHICH ARE CHEAPER TO MAINTAIN.

THE BIG SURPRISE IS, SHE PROMISED THE SENIOR CITIZENS OF MINGLANILLA - ON SEPTEMBER 7, 2012 AT THE PARISH MULTI-PURPOSE HALL MINUTES BEFORE THE 5PM MASS - A REMEMBRANCE OF HER GOVERNORSHIP: A SENIOR CITIZENS CENTER BEFORE SHE BECOMES SENATOR IN 2013.

WEARINESS, HUNGER, AND DISAPPOINTMENT..

Mao kini ang senario kagahapon Sept. 7 didto sa Parish Multi-purpose Hall where the largest congregation ever of senior citizens from the 19 barangays of Minglanilla came as early as 9:30am to welcome the group of Guv Gwen Garcia. Bisan tuod nawala ang ilang kakapoy sa pag-abot na ni Guv Gwen mga alas 4:00 sa hapon luoy kaayo ang mga senior citizens ilabi na kadtong taga Kampo 7, 8, Cuanos, Manduang, Guindarohan, Tubod ug Cadulawan. Mala-omon sila nga madawat na gayud ang gisaad kaniadto kapin bulan na ang milabay. Apan minghoy silang nama-uli diha sa ulan balon ang karton nga paypay ug laing saad nga aduna gayud silay madawat. Katunga ra kanila ang nakatilaw sa snacks pagka alas-3 sa hapon kay nagkulang ang preparasyon. Maayo na lang gani nga ang uban may natilok pang sobra sa ilang balon sa paniudto. Ang grupo kagahapon mas interesado kon unsa ang dala ni Guv Gwen alang kanila, busa pudyot lamang ang mi-apil sa free medical check-up, medicines, ug eyeglasses. Uhaw kaayo sa benepisyo ang mga senior citizens sa Minglanilla. Gani bisag tsinelas nga libre, igo nang maka-ukay kanila. Kalooy ni Lolo, Lola, Insi, ug Ingko.

BIG – N – SMALL
Based on an article
By Oscar C. Pineda
SUNSTAR CEBU
Friday, April 20, 2012

Of the 44 towns in Cebu, Minglanilla gets the biggest share of Internal Revenue Allotment (IRA) for 2012, while Tudela in the island of Camotes has the smallest IRA.

Cebu Province, on the other hand, has an IRA of more than P1.5 billion, records of the Department of Budget Management (DBM) showed.

The town of Minglanilla has P107 million or a monthly IRA of P8,916,667.

The IRA for Tudela, on the other hand, is P28.6 million. This means, the town will be receiving P2,383,334 a month.

Assuming then that Minglanilla has about P50M income from other sources, the GAD BUDGET of 5% should go up to P6,600,000. This huge amount should be divided to more or less 5 DSWD concerns including support for senior citizens which should be about P1.32 million.

Personally, I believe that NOBODY at the present Sangguniang Bayan has a heart for senior citizens, including the MSW Staff, and all those responsible for budget preparation.  Support for OSCA projects peaks at only P230 thousand.

SA UMAABOT PINILIAY SA MINGLANILLA
Mga pangutana mitumaw sa akong alimpatakan
May kausaban pa ba ang mao gihapon?
O mahimo lamang kini diha sa pag-ilis?
Andam na ba kitang magpasagop sa lain?
O magpabilin sa gihapon sa mga na-andan?

Mga pangutana kining gibaliwala sa mga linghud ug busog
Mga pangutanang nag-omedo nagngol-ngol
Sa mga gikalimtan ug gisakit

Sila Lolo ug Lola – sila Ingko ug Insi
Sila nga gipa-sekon class (senior) citizens sa Minglanilla.

Panahon na seguro nga palambo-on ang kausaban
Kausaban nga gipug-ngan sa mga tawong gisangunan
Gisaligan, gila-uman.

MINGLANILLA SENIOR CITIZENS SHOULD BE PROUD

NEWS ITEM FROM THE OFFICIAL WEBSITE

MUNICIPALITY OF DALAGUETE

 74-year-old pupil leads 343 ALS A&E graduates

            74-year-old Nicolasa Villasencio of Minglanilla led 119 successful examiners from elementary and 224 from secondary level coming from different districts of the southeast area of DepEd Cebu Province Division who marched Friday morning, June 22, 2012, during the 7th ALS (Alternative Learning System) A&E (Accreditation & Equivalency) Graduation Ceremony at the Dalaguete Sports and Cultural Complex.

The graduates were part of around 1,550 Out-of-School-Youth (OSY) and adults from southern Cebu municipalities that took their final examination last November 13, 2011 held at Dalaguete National High School and Dalaguete Central Elementary School after having attended classes of around 200 hours in the span of 10 months.

-------------------------------------------------------------------------

  Si Manang Nicolasa Villasencio taga Sitio Kalbasaan, Barangay Kampo 7 ug  sakop sa kapunungan Federation of Senior Citizens sa Lungsod sa Minglanilla kon MIMUFESCAP.  Tungod kay gikinahanglang moabay siya sa iyang amahan pagtikad sa uma, wala ni Manang Nicolasa matapos ang elementarya.   Apan ubos ALS Program sa DECs nahuman niya kini sa miaging bulan. 

Like nobody in the crowd.

    Kugihan ug mga maayong tawo ang pamilya Villasencio.  Ug matud pa ni MIMUFESCAP Director Lucita Paraiso, ma- asikaso ang amahan ni Nicol ug paborito siya isip magtutudlo kaniadto.   Ang lagutmong paang dalaga nga abunda sa Kalbasaan kaniadto maoy sagad idalit sa mga Villasencio kaniya.

And the moment of truth came....

    74 anyos na karon si Nicol ug ang iyang gibuhat naglarawan sa kabililhon sa edukasyon sa tawo.   Iya usab  gipamatud-an nga ang pagka-senior citizen dili babag sa bisan unsang buluhaton ubanan lamang kinig kakugi ug determinasyon.   

A Sourvenir with her Teacher, Daphne Teo

    Hinuon tungod kay aduna nay pag-kiling sa lawas, dili na buot ni Manang Nicol nga latason pa niya ang high school.  Malipayon siya nga human mapa-eskwela ang iyang mga anak, nahatagan usab niyag papel de oro ang iyang kaugalingon, usa ka secondary school diploma. 

     MABUHI KA MANANG NICOL!

The event was also attended by concerned Punong Barangays

IKAW MANOY, IKAW MANANG: KINSAY IMONG PILI-ON?

“Daghang sulti, daghang sayop.”   Nagpasabot ba kini nga kon daghan kitag isaad, daghan niini ang dili matuman?  Sakit man sa atong dughan apan mao kini ang sagad mahitabo ilabi nag gadulong na ang unos sa pinili-ay.  Hinuon wala kini nagpasabot nga otomatik  nga mga bakakon ang tanang magpapili.

Sa eleksyon sa trece adunay nay napormang mga line-up. Mabasa nato kini sa diaryo ug madungog sa radyo.  Ug sa mga tambayan dinhi sa ato, matunog kining mosunod nga mga pangalan:  Lanie Pena, Alex Castanares, Boyet Velez, Jojo Selma, Marlo Canada, Jerry  Castanares, Lyn Geonzon, Lam Canada, ug uban pa.

                       

Kini sila kay mga politiko man, gikinahanglang mobungat ug mga panaad diha sa ilang plataporma.   Hangyo ko lang nga moyukbo unta sila pag-una sa ilang mga Lolo ug Lola, Tatay ug Nanay, Tiyo ug Tiya - ang mga Senior Citizens sa Minglanilla.

Si kinsa kaha kanila ang makahatag sa seriosong  benepisyo sa senior citizens?  Magma-tinudanon ba sila o ipadayon sa gihapon ang kinaiyang nagpasakit-antos sa mga katigulangan ning primera klaseng Lungsod!

Walay balaod nga nagpugong sa mga LGUs paghatag sa 1% benepisyo-pinansyal sa mga katigulangan gani mahimong mokapin pa kini.   Ang kapasikaran niini mao ang kawhaag-usa ka mga balaod nga nagpalig-on sa katuyoan sa Gobierno Nasyonal pag-atiman sa mga senior citizens.  Kining 1% maoy sagad gihimong sumbanan sa mga social reform laws pagsukod-abot sa makayang hinabang pinansyal sama pananglit sa PDW ug BCPC diha sa mga LOW INCOME LGUs!

Apan sa pag-usog sa panahon gihimo kining bibliya ug gipakawalay bili ang nagpulog-usa ka mga balaod nga mipalig-on sa paningkamot sa Gobierno aron mahatagan ug tingusbawan ang katigulangan sa tibuok isla sa Pilipinas.  Kining alimatok nga gipatambok sa mga municipal budget teams gitawag ug Mainstreaming!   Usa kini ka dakong insulto sa mga nagpanday sa mga balaod nga naghatag kahayag ug katumanan sa Magna Carta for Senior Citizens. 

Sa pangutanang:  IKAW MANOY, IKAW MANANG - KINSAY IMONG PILI-ON?

Ang tubag:   SIEMPRE, ADTO JUD MI SA MODAOG!

List of the 21 Philippine Enabling Laws on Senior Citizens: 

R.A. 9257,  R.A. 8425,  R.A. 7876,  R.A. 7432,  R.A. 344, GAA 2006,  NBM 98,  E.O. 105,  EO 266, PP 048,  PP 470, DSWD AO No. 8, DOH AO 177, DTI AO No. 3, DepEd Memo 138, DTOC Memo 11/2004, TVET Guidelines 30/3/2005, DILG MC 2005-63,

PH Circular No. 2, DAAO No. 37,  DILG MC No. 2006-21.

TUNGOD SA WARD 2 ANG WARD 4 GIHULGA SA SAPA KABUNGAHAN

Hulyo 16, 2012.   Opisyal man siya  sa Barangay o dili, natino na ang kamatuoran nga ang gi-aling iron mesh sa taga-Munisipyo diha sa Sapa Kabungahan dapit sa may Ward 4, atbang sa St. Cecilia’s gitukod pabor sa Ward 2 aron kapanalipdan ang maong Barangay sa tubig nga moawas sa mga kabalayan ug sa mga anod ug gapnod nga mobara sa mga imburnal didto ilabi na sa may SPRINGWOODS.

Sa pagkakita gayod sa maong tawo (si Manong A-?) sa kahimtang karon sa puthaw nga estruktura (human sa dakong pagbaha 7 kaadlaw na ang milabay), siya miingon dayon nga gikinahanglang patubo-an pa ang gitas-on sa corrugated iron mesh kay hapit na kini matabuni sa mga dinahiling bato ug balas.

APAN SAYOD ANG TANAN nga tungod sa maong estruktura namiligro ang kabtangan ug kinabuhi sa mga taga-Ward 4 ug KARONG BAG-O nahimong delikado na kini sa maayong panglawas ilabi na sa mga kabataan.

SAYOD ANG TANAN, nga ang pasalig nga paga-limpiyohan ang gi-aling puthaw matag karon ug unya aron malikayan ang pagkabara sa tubig ug pagtubo sa Sapa usa ka dakong  BAKAK.

APAN NGANONG DIHA MAN GIBUTANG SA HURISDIKSYON SA BRGY. WARD 4 ANG ESTRUKTURA UG DILI MAN SA DAPIT LABANG NA SA NATIONAL HIGHWAY NGA HURISDIKSYON MISMO SA BRGY. WARD 2 ARON MAATIMAN KINI SA BARANGAY?  DILI BA USA KINI KA PAGPASIPALA UG PAGPANLUPIG?

Ug kining tanan gipadayag niining mga mosunod nga mga hulagway.

Ang kahimtang sa Ali sa miaging bulan.  Makita nga napugngan niini ang  mga anod  apan nakahimo usab kinig halawom nga linaw diha sa gi-ambakan sa tubig.

Ika-2 semana sa Hulyo 2012 , makita nga lubog na kaayo (baho pa) ang tubig nga dili na makadaloy padulong sa ubos kong walay makusog nga pag-ulan.  Makita usab ang pagtubo sa Sapa kay nagsilbi man nga usa ka diki ang estruktura nga sukad wala pa gayod kalimpiyohi.

Ingon niini katindi ang mga anod ug gapnod nga nagkatipun-og  kay napugngan man sa maong aling puthaw.  Makita dinhi ang mahugaw nga tubig sa ubos nga nagagikan sa linaw.

Klos-up sa nagkalawom, baho,  ug hugaw nga linaw.  Nahimo na kini karon nga usa ka itloganan sa lamok.

ALI SA SAPA KABUNGAHAN NAMUNGAG ITLOGANAN SA LAMOK DENQUE

Ikaupat na kini ka higayon nga ako nagsulat kabahin sa ali nga puthaw nga gibabag sa natural nga daloy sa tubig sa Sapa Kabungahan, Barangay Ward 4.  Ug tapos ang makusog nga pag-ulan gahapon, nakahimo nag mga kadaot ang maong ali.

Sumala sa gimantala nga INTERBEYU-DAW, gipangutana si Hon. Antero Jun Cana, ang Kapitan sa Barangay Ward 4:

Pangutana:  “Kap, nganong wala man nimo tangtanga ang ali nga puthaw diha sa sapa?  Ingon imong mga kaatbang, makababag kini sa tubig ug peligro nga moawas ang sapa ug maglunop ang maong lugar?”

Bisan usa ka drama lamang ang maong INTERBEYU, gitubag ni Kap Ante diha sa mantalaang gi-imbento ra usab bag-ohay pa lang ang BALITA SA WARD 4.

Tubag:  “Adunay posibilidad nga ang tinubdan sa maong estorya, kulang ug alamag sa mathematics…………………..” 

Hataas ang saysay ni Kap Ante isip tubag sa maong pangutana.  Ug mao kini ang iyang gipasabot:

1)  Nga ang puthaw nga ali huyang ug nga mabawog lamang kini sa sunod pipila ka bulan tungod sa gikusgon sa daloy sa tubig;

2)  Nga ang tubig-baha igo lang mosaylo lapaw sa maong ali bisan pag mapuno kini sa mga sagbot, ug moagi usab sa kilid (riverbank).

3)  Busa kini dili kuyaw ni makahimo ug paglunop sa maong dapit.

          Sa akong pagbisita sa dapit diin gitukod ang maong aling puthaw human mobunok ang kusog nga pag-ulan kagahapon Mayo 31, 2012, akong natino nga aduna nay kadaot sa kilid sa sapa ug nga namiligro ang estruktura nga gitukod intawon sa tag-iya sa sikbit nga yuta aron kapanalipdan ang iyang balay ug mga negosyo.

      

          Tungod kay gipasagdan man lang ang dapit ug wala limpiyohi sa mga anod, habog na ang gi-ambakan sa tubig ug busa mikankan pag-ayo sa tagakanan niini ug nakahimog halawom nga daw-atabay.

          Ug ang tubig nga nagpundo sa naporma nga dakong-atabay (basin), mahimo kaayong MA-ITLOGAN SA LAMOK DENGUE. 

 Ug ning adlawa Hunyo 29, 2012 nahimo na kinig samag fishpond kay wala nay pagkahubas ang tubig ug dili na usab kini maka-daloy pa-ubos.  Busa usa na kini ka puloy-anan sa hugaw ug kagaw ug pugaran sa mga lamok. 

HON. ANTERO CANA, GIUNSA DIAY NIMO ANG BARANGAY WARD 4

Katulo ra ka higayon nga nagka-atubang kami si Kap Jun Cana.  Napansin dayon nako nga aduna siyay dagkong gidamgo sa Ward 4.  Apan aduna usab siyay kinaiya nga dili masabtan ilabi na ang pagtalikod niya sa iyang gipasalig sa katawhan,  Gikan mismo sa iyang baba ug mga gipamantala, siya usa ka henyo, maayong laki sa pang-gobierno, walay bisyo, dali rang maduol, ug usa ka economic manager.

Tungod lagi kay namatikdan man nako nga pulos sibya sa radyo ug pagmantala lamang ang labing maayo niyang nahimo human sa tulo lamang ka bulan nga pag-serbisyo, miundang na lang ko pagsubay sa iyang ka-maayong laki sa pang-gobierno.

Apan karon daw dili na nako maagwanta busa akong ipadayag dinhi ang akong kasagmuyo sa iyang pagka-lider hinonoa dili hinuon sa iyang pagka-tawo.

Usa lang ang akong gustong ipa-abot ug mao kini:

NGA IYA NA LANG HUNUNGON ANG HEALTH CARE SERVICES SA BARANGAY WARD 4 TUNGOD KAY WALA NA SIYAY IKA-SUWELDO SA MGA BARANGAY HEALTH WORKERS.

Ug dili na lang nako himay-himayon pa ang iyang kapal-pakan isip lider (command responsibility) ug isip amahan sa barangay (person with ideals and will to share, inform and even coach his subjects and peers) ug isip pinili sa katawhan (a person entrusted to govern and serve well).

MGA KAIGSOONAN, MAO KINI ANG NOTICIA DE PUBLICO NGA IYANG GIPASKIL SA BILDONG PULTAHAN SA WARD 4 BARANGAY HEALTH CENTER:

TAMBAL LUYO SA BALAY

Alang sa mga Senior Citizens

SILI KULIKOT (o Labuyo)

Gawas sa kemikal nga CAPSAICIN nga maoy naghatag niini sa kainiton, ang SILI dasok sa mga bitamina, mineralis, ug nutrisyon nga makaayo ug mopakgang sa daghang mga sakit sa lawas sama sa Bitamina A,C,E nga molimpiyo sa mga toxic substances nga gikan sa pagkaon, hangin, ug tambal.  Sagana ang Sili sa Bitamina B1, B2, B3, B5, B6 and B9,  potassium, manganese, thiamine, molybdenum, trytophan, copper, cobalt ug zinc.

Bisag dehado sa CAPSAICIN, ang kanunay nga pag-inom ug juiced Bell peppers maghatag ug kaayohan sa lawas mas labaw pa sa  naandang mga fruit juices.

Ang Sili

1.  Molimpiyo sa lawas sa mga bacteria ug makadaot nga kemikal gikan sa softdrinks, pangsahog sa kusina, mga pinutos ug de-color nga mga pagkaong artificial (instant food, junk food, de lata, de-color, etc.), ug ang kemikals nga gisagol sa mga pahindik.

2.  Mopugong sa stroke pinaagi sa pagpalasao sa dugo.

3. Mopahunong sa pagsabwag sa kagaw sa cancer sa bladder, cervix, pancreas, prostate

4. Mopaubos sa blood pressure, BAD kolesterol, Triglyceride ug pamaga sa tambok sulod sa ugat.

5. Makatabang pag-ayo sa stomach ulcer, colic, dyspepsia, diarrhea, ug uban pa

6. Mopalig-on sa immune system sa lawas tungod sa taas nga Bitamina C ug beta-carotene laban sa sakit sa mata samag katarata, astigmatism, macular degeneration, etc.

7.  Makapa-menos sa pagabati-on nga sakit (ulo, tiyan, uban pa).

8. Mopugong sa asthma, emphysema, wheezing, lung infections tungod sa taas nga Bitamina C ug flavonoids niini

9. Panglunas laban sa sore throat tungod sa anti-septic action niini (Bell pepper juice)

MOPAOS-OS SA BLOOD PRESSURE

Ang kanunay nga pag-inom ug ASPIRIN makahatag ug kadaot sa lawas sumala sa report sa FDA America.  Apan ang ADLAW-ADLAW nga pag-inom ug SILI dili lang depensa sa daghang sakit makapalasao  kini sa dugo aron hapsay ang pagdaloy niini diha sa mga kaugatan.

SILI EVERYDAY

Pag-inom ug 2–3 ka buok sili labuyo kada kada humag kaon  katulo sa usa ka adlaw.  Pul-unga kini sa pungago ug abisig gamay ang pinutlan aron mapagawas ang KAINIT niini sulod sa tiyan uban sa usa o 1-1/2 ka basong tubig Miwassco o Puso o tubig Tabay,  mga tubig nga sagana sa importanteng mga MINERALIS mas labaw pa sa mineral water nga gibaligya sa grocery.

Ang Sili dili maka-ulcer hinuon motabang kini ug ayo sa ulcer.  Apan kon aduna ka nay sakit nga GER, pangaslom sa ginhawa-an, maayong ayohon mo usa kini una moinom ug sili.  Kaon kanunay ug hilawng saging gardaba buntag, udto, hapon aron madali ayohon ang imong ulcer.  Ayaw pagutom ug biya-i ang pag-inom sa alak ug softdrinks  ug ang pagkaon sa mga acidic foods.

Ang Sili dili makasamot sa almoranas.  Ang natural nga panglunas sa Almoranas mao ang sayon ug humok nga pag-itsar pinaagi sa mga pagkaong fibrous ug prutas aron dili tublon nga maka-gasgas sa nagnipis nga ugat- Almoranas.

TANGLAD-SAYOTE DRINK

Pagpabukal ug 1.5 – 2.0 litrong tubig Miwassco, Puso o Tabay uban sa binugkos nga 5 - 7 ka punu-ang TANGLAD

ug pinikas nga medium-size Sayote. Pabukala kini sulod sa 15 minutos.  Isulod ang sinakot sa thermos bottle ug imna kini buntag, udto, hapon sulod sa 2 ka-adlaw kaduha matag semana.  Ang kanunay nga pag-inom sa SILI ug TANGLAD-SAYOTE mix, maoy epektibong panlunas sa High Blood Pressure.  Ug dapat likayan ang pagkaong naghingapin sa kaparat, sagana sa tambok, ug ang pagkaong giluto sa manteka.  Dapat hinumduman nga ang pag-inom sa mga acidic drinks sama sa softdrinks, kontra sa maayong panglawas ilabi na sa mga senior citizens.

DUGOS UG SUKA

ANG MABISANG PANLUNAS SA ARTHRITIS SUMALA SA PAG-ESTUDYO DIDTO SA UNIBERSIDAD SA EDINBURGH, ARTHRITIS RESEARCH INSTITUTE, SCOTLAND, NI DR. ANGUS PETERS

HONEY-VINEGAR COCKTAIL

Mix 1 fl. oz. Pure Honey with 1 fl. oz. Apple Cider Vinegar into 14 fl. oz. Miwassco, Puso, Tabay Water.  Mix well and drink once a day.  Double the dose for worst case, drink it for 7 days and proceed to once daily after the 7^th day.

Honey has 31 nutrients, 31 vitamins, 12 minerals, useful acids ug enzymes.

ITLOG MANOK

Adunay 2 ka-klaseng kolesterol:  dietary kolesterol ug serum kolesterol. Ang dietary kolesterol makuha sa karne, pagka-ong dagat, ITLOG, ug uban pa.  Ang serum kolesterol nagagikan sa atay nga naglutaw-kuyog sa daloy sa dugo.  Duha ka gropo ang serum kolesterol:  ang buotang HDL kolesterol ug ang badlungong LDL kolesterol nga mao ang kolesterol nga mokapit sa mga ugat-ugat nga moresulta ngadto sa ALTA PRESYON. 

Napamatud-an sa usa ka pagtoon nga gihimo sulod sa 25 anyos nila Dr. Wanda Howell ug mga kauban sa Unibersidad sa Arizona, USA, nga ang  ITLOG nga adunay dietary kolesterol wala makapasaka sa serum kolesterol level sa mga tawo nga gipakaon nilag 2 ka itlog kada adlaw uban sa mga pagka-ong low in fats.

Nganong mosaka man ang level sa kolesterol sa lawas?  3 ka klaseng tambok ang atong gikaon:   saturated, mono-unsaturated ug polyunsaturated. Ang  SATURATED FAT maoy MOPA-ISA sa serum kolesterol ug LDL kolesterol sa lawas.  Apan ang ITLOG MANOK adunay saturated fat nga 1.2g hangtud 2g lamang, mas menos sa hamburger patties nga adunay saturated fat 3g hangtod 8g depende sa gidak-on.  Ang ITLOG MANOK nalista sa mga pagkaong LOW IN SATURATED FAT CATEGORY busa dili tinuod ang pasangil nga dasok kini sa makadaot nga tambok nga mopasaka sa kolesterol level.

ANG PAGKAON SA 1 o 2 KA BUOK ITLOG MANOK PINABUKAL ADLAWNG TANAN DAKOG IKATABANG SA KAHIMSOG SA LAWAS TUNGOD SA DAGHANG PROTINA, BITAMINA, UG MINERALIS ILABI NA JUD ANG LECHITHIN NIINI.  DALI RA USAB KINING MAABOT  SA MGA KABOS DIHA SA PAGPAMUHIG MANOK BISAYA O MANOK LIBON. 

(For diabetics, consume only 3 eggs per week)

BARANGAY MIMUFESCAP*

Gikatakda na gayod ang pinili-ay sa mga opisyales sa pederasyon sa mga Senior Citizens ning Lungsod sa Minglanilla.  Ang maong demokratikanhong katungod nga gihikaw sa mga SENCITZ sa nanglabayng mga katuigan pagahimoon sa petsa 9 sunod bulan sa Marso didto sa Multipurpose Hall sa Parokya.

Bisan tuod wala pay opisyal nga giya sa pama-agi sa maong piniliay, gikahisgutan na nga ipa-agi kini ug open nomination.  Sa ingon mahatagan sa kahigayonan ang  tanang Barangay Senior Citizens Chapters sa pagpili ug ilang miembro alang sa pederasyon kinsa maoy mopadangat sa ilang tingog, hangyo, ug yango-ngo.

Ug alang sa mga bag-ong mapili, palihug ayaw laktawi kining mosunod nga mga punto alang sa kalambo-an sa Senior Citizens Federation ning Lungsod.

1.  Kinasing-kasing nga paghangyo sa Mayor ug Konseho sa Lungsod aron mapadak-an pa ang tinuig nga alokasyon sa SENCITZ BUDGET.  Ang tinuig nga budget karon mokabat lamang ug P160,000.00.

       Maghimo usab ug representasyon ngadto sa Gobernador ug Kongresman aron mapadayon ang napakgang nga mga benepisyo ug usab aron mapadangat ang mga dugang benepisyo sa mga SENCITZ ning Lungsod.

2.  Paghangyo sa Association of Barangay Captains pinaagi sa DSWD ug DILG sa paglakip gayod ug pundong salapi alang sa mga SENCITZ sa ka-Barangayan diha sa BARANGAY GAD PLAN ug nga kini dili ihikaw sa mga senior citizens.

3.  Pagpangitag mga pama-agi aron madasig ang mga senior citizens pag-apil sa mga programa sa gobyerno aron sila mahimong tagatampo sa hinugpong nga tingusbawan diha sa ilang na-aning mga katakos ug kaalaman.

4.  Pagpangitag pundong salapi aron kasugdan na ang pagtukod sa Senior Citizens Center sa Minglanilla.

5.  Pag-reorganisa sa mga Barangay Senior Citizens Chapters aron mahimo silang full-pledged nga NGO o PO ug rehistrado sa Sangguniang Bayan aron makatampo sa pang-gobierno diha sa mga barangay sama sa aktibong pagsalmot sa public biddings, pag-update sa Barangay Development Plan, ug uban pa.

6.  Pagtuon pag-usab sa mga reglamento sa Mutual Fund diin ang senior citizen karon PERPETUAL nga magbayad ug P30.00 kada bulan alang sa death benefit nga P7,500.00

Posible ba nga makadawat ug gamayng hinabang ang mga miembro nga milunga pagbayad sa binulang obligasyon.

*Ang MIMUFESCAP mao ang hini-usang gropo sa mga Barangay Senior Citizens Chapters sa Minglanilla:

MINGLANILLA MUNICIPAL FEDERATION OF SENIOR CITIZENS ASSOCIATION OF THE PHILIPPINES.

PETISYON: NGANO DIAY

ADUNAY PAPEL DE PETISYON NGA GIPAPIRMAHAN KARON SA TUMONG UG TUYO NGA ILISAN/WAGTANGON ANG TEAM OF PASTORS SA MINGLANILLA BUNGA SA DILI MAAYONG HITABO DIIN NALAMBIGIT ANG USA KA PARI.

MAY NAKAPIRMA NA NIINI UG MAY WALA MOPIRMA USAB.

ATONG HINUKTOKAN KINING MGA MOSUNOD NGA PUNTO:

1.  ANG NAHITABO SA ATO MIABOT NA SA ATENSYON SA ARSOBISPO GANI NA-INTERBIYU NA ANG MGA KESTIGOS UG NA-SUMITI NA ANG MGA PAPEL AGNI SA HITABO;

2.  NAKAHIMO NA USAB UG DESISYON ANG ARSOBISPO KABAHIN SA NAGPABADLONG NGA PARI UG NGA SIYA DILI NA PABALIKON SA PAROKYA.

3.  SAYOD NA KITANG DAAN SA MGA PERSONAL NGA MGA APAN SA  MGA  KAPARIAN APAN TUGON SA HANGYO NI KARDINAL VIDAL ATO SILANG GIDAWAT ARON KAHATAGAN UG KAHIGAYONAN SA PAG-USAB.  GANI MISUPORTA KITA SA TANANG PROYEKTO SA SIMBAHAN SA MGA MIAGING TUIG ILABI NA SA  PAGPALAMBO SA KAPELYA, SA KINABOS NGA PAGDALA SA PIYESTA, SA ISPORTS, SA PANGINDAHAY UG UBAN PA.

4.  UG KON ADUNA MAY NEGATIBONG ATMOSPERA KARON DIHA SA KOMBENTO BUNGA KINI SA NABALING GARBO UG DUNGOG APAN ANG KALAYO SA KASUKO, KALAGOT, UG KAHIUBOS MAWALA RA SA UMAABOT NGA MGA ADLAW DIHA SA GIYA SA ESPIRITU SANTO.

7.  MAAYO UNTAG ATONG KAHATAGAN UG KAHIGAYONAN ANG DESISYON SA HALANGDONG ARSOBISPO ARON MAPAKITA ANG MAMAHIMONG BUNGA NIINI, DAUTAN MAN O MAAYO, SA UMAABOT NGA MGA ADLAW.

8.  ANG  PAGPIRMA SA MAONG PETISYON,  KABUBUT-ON UG KONSENSYA SA MOPIRMA APAN MAAYO NGA SAL-OTAN KINIG PAG-AMPO ARON MALAMDAGAN ANG TANAN.

9.  SA KATAPUSAN HINUMDUMAN TA NGA ANG MGA PARI SA PAROKYA MAY KINUTUBAN, MGA KANDIDATONG TANAN SA PAG-BALASA.

HIYAW SA ANGEL, HIYAW SA MINGLANILLA

Human mosing-al si Bobbytrap Nalzaro bahin sa eskandalo nga nahitabo dinhi sa ato, mabasa diha sa Facebook kining pipila ka mga kabalaka, kagil-as, kasuko ug pagmahay sa mga taga-Minglanilla:

Facebook Page:  Parishioners from the Shrine of Mary (IHMP), Minglanilla

“Nakapadayag na ang mga Lay Ministers sa ilang baruganan mahitungod niining maong isyo sa eskandalo.

Nasayod na ang Obispo sa ilang sentimiyento, lakip usab sa uban pang mga isyo nga kabahin sa pagdumala sa Team of Pastors sa atong parokya..”

“Ang mga ordinaryong taw maka sala prisohon, ang uban bitayon.. ang pari gani makasala, e ampo, daygon ug tabunan? Butangi.”

“Ang atong Obispo dapat mohimo dayon ug decision para kining spiritu ni satanas nga nagduma sa dili tinuoray nga mga alagad sa Dios mapapahawa na.” ……..>

Facebook Page:  Taga di-in Ka?  Minglanilla, Cebu, Philippines

<...”unsay tomong og toyo nmo to mention this dark part of our church history?....at this turbulent period of our beloved parish???......every person/family and community has its own mysterious past......but why sing joyfull songs during FUNERAL!!!”

“naa bay mga santo papa nga aktibo sa sex sa wala pa mapari hangtod sa pagka pari? Hehehehe”

<…”Dili lang unta nato tabunan. Ang itom sa simbahan itom gyud na. Ang puti kinahanglan puti gyud”…>

“Ganahan pa kaha ta mo simba ani?.. ganahan pa kaha ta maminaw sa ilang mga wali?”

“Ginoo na lang mag igo ana nila kay wa man sad tay right mo husga nila.. Pero dapat ni mahibaw-an sa mga taw.. maka discourage man ila gibuhat gud.. grabe ang ato nahibaw-an, how much more ang wa pa nato nahibaw-e”

‎

Ang nahitabo sa ato usa lamang sa mas grabe pang mga hitabo sa Kalibutan diin sa kaniadto pa gi-reklamo na sa mga Angel sa Diyos.  Sa dihang gipadayag sa Labawng Makagagahom nga magtinil Siyag usa ka Piniyalan dinhi sa Kalibutan, mipadayag dayon ug pagsupak ang mga Angel.  Ang pagbinayloay wala idetalye sa Bibliya apan nasulat sa Balaang Koran sa Islam.

Kabanata 2 Al Baqarah (ug sa Al Araaf Kabanata 7:11-22)

30. At ipaalaala mo sa mga tao, O Muhammad, na noon ay sinabi ng iyong ‘Rabb’ na Tagapaglikha sa mga anghel na: “Ako ay lilikha ng isang nasyon (mga tao) na magsasalit-salitan sa pamamahala sa kalupaan.”

Subali’t sinabi ng mga anghel: “O aming ‘Rabb’ na Tagapaglikha! Ituro Mo sa amin ang karunungan sa paglikha Mo sa kanila, sapagka’t ang kanilang kaugalian ay maminsala lamang sa kalupaan at magpadanak ng dugo sa pamamagitan ng pang-aapi at paglalaban-laban sa isa’t isa; gayong kami ay (walang ginagawa kundi) ang sumunod lamang sa Iyong kagustuhan, at ang pinakatungkulin namin ay ang patuloy na pagsa-‘Salâh’ na para lamang sa Iyo, at pinupuri Ka namin nang lubus-lubusan; sapagka’t wala Ka ni kaunti mang di-kaganapan at pinupuri Ka namin sa lahat ng Iyong mga ganap na katangian at ikinararangal Ka namin.”

Na kung kaya, sinabi ng Allâh sa kanila: “Ako ang Nakaaalam ng mga bagay na hindi ninyo alam na nakabubuti, na siyang naging dahilan ng Aking paglikha sa kanila (tao).”

(Verses 31 to 35 maybe read at:  http://akoayisangmuslim2.blogspot.com)

Unta atong hinuklugan karon nga sama sa mga Angel kitang mga taga-Minglanilla walay igong kaalam sa mga Gimbuhaton sa Diyos ug sa Diosnong Pagbuot.  Apan masaligon kita nga adunay hustisya nga mosilot sigun sa gimbut-an sa  balaod human mapasang-at ang reklamo.  

Nadungog na sa halangdong Arsobispo ang mga kestigos ug ang reklamo napasakamot na niya.  Ato na lang untang  hulaton ang iyang hukom ug mokalma kita sa pagrapido sa mga hingtungdan, sa mga nangagi na ug sa Simbahan.  Ipasa-Dios na lang nato ang mga pagmahay ug kabalaka aron maseguro ang kaayohan sa tanan. 

Tinuod may bintaha kita sa mga Angel, apan ang kaalam nga atong gisaligan dula-an lamang ug kabuang sa atubangan sa Labawng Magbubuhat.  Ang atong pagka-santos gitukhan sa pagpa-ilob ug pagpasaylo. 

WALI UG SUMBONG

Usa ka gabii niana nakit-an ni Kulas sila Damaso ug Leonor nga nagbinayloay ug mga matam-is nga pasundayag sa gugma ubos sa punu-an sa kaktos.  Si Damaso bana sa iyang Tiya Lucing, si Leonor hinigugma ni Libron nga suod niyang higala.  Sila Leonor ug Libron kaslon na sa Valentine’s Day sa aydol niyang si Padre Isyut.  Kahinam ug kakulba ang gibati ni Kulas, wala na niya panumbalinga ang mga hulmigas nga diha na dapit sa iyang lukon-lukon. 

Human namapha nanglakaw dayon sila Damaso ug Leonor.  Ang kakutas ni Kulas napulihag kahadlok ug alindasay.  Pastilan, unsa man diay kadtong akong nakita!  Sagmuyo siyang nag-inusara naghuna-huna kon unsay dapat niya buhaton.

Sultihan ba niya ang iyang Tiya Lucing o adto ba hinuon niya ilad-lad ang tanan kang Libron?   Isugilon ba kini niya sa iyang Tatay o ngadto na lang ni Padre Isyut?  Nabalaka siya pag-ayo kon unsay mahitabo, naguol alang sa iyang amigo, naluoy sa iyang Tiya Lucing, nahadlok unsay iyang dangatan.   Magpakahilom ba ako o ako silang isumbong!

Children of God mao kini ang punto sentral sa wali ni Padre Joey sa misa sa alas singko sa hapon sa adlaw Biyernes petsa 6 ning bulan sa Enero.  "Kini mao ang akong Anak nga pinalangga; kaniya may kalipay ako” mao ang katapusang linya sa ebanghelyo nga nagsaysay sa kabunyagan ni Jesus.   Gihisgutan ni Padre Joey ang mga hiyas nga pagatamdan sa  mga anak sa Diyos -  pagka-mahiubsanon, pagtinabangay, pagbinayloay, pagpasayloay, ug uban pa.

Kitang tanan hinabulan ug tensyon sa pagpili – asa kita padulong, unsay atong buhaton, kinsay atong paminawon, asa kita dapig, asa kita sumbong, ug daghan pa.   Dili kita mga robot o mananap nga basta na lang magaw-ngan ug mahiktan.  Oo, bisan sa Iyang tinguha nga kita maluwas gayod, gihingpitan kita sa Diyos ug kagawasan sa pagpili. 

Nagpabiling walay imik si Kulas samtang gihasi siya sa iyang tanlag.  Unsay iyang buhaton, kinsay iyang palabihon?  Magpakabana siya o magpakahilom na lang?  Human sa pipila ka-adlaw nakahimo siyag desisyon ug gipili niya nga iyagyag ang iyang nakita.  Ug tingali tungod sa kabalaka gidetalya niya kini ngadto sa usa ka lay minister. 

Ang pagpili dili dautan dili usab maayo.  Katungod kini ug dili obligasyon.  Ang pagpili dili sala.  Ang sala matawo lamang sa punto kon aduna nay kalapasan sa mga gitugot ug gimbut-an. 

Ang kaulawan bisan unsa ka laksot, magdalag daghang mga gasa ilabi na sa mga nanilbihan sa Diyos.  Busa adunay takna sa pagpaningil ug panahon sa  pagkastigo.   Ang molutos dili ma-santos, ang mga santos dili manglutos.

MINGLANILLA PARISH SCANDAL

Ang nahitabo sa atong Parokya karon, ato ra usab nga kapildihan.  Okey ra nga mosumbong apan dili okey ang pagsigig yawit-balik niini ug ang pagsibya-ungkat sa mga nangaging kabanata kay molanat ug dugay ang pag-hupay sa kasakit gikan sa dilang tampalasan.

Tinuod anaa kanato ang pagkamahitas-on busa dili nato kapugngan ang pagsigeg latigo sa atong isig-kaingon nga nakalapas sa maayong gawi o sa balaod.  Gusto kitang moapil sa kagubot pinaagi sa pagduot sa nakasala imbis unta atong tabangan ilabi nag ang hingtungdan kanhi atong gipangga.  Tingali ingon niini ang gidangatan sa atong Kaparian  nga sa dugayng panahon atong gisuportahan ug gipangga ug nga karon gusto na usab natong bitayon patiwarik.

Unya bag-ohay pa lang gilabayan pa gayod ug lapok ang Lawas mismo nga atong gisaligan sa espiritual nga kalambo-an – ang Simbahang Romano Katoliko – pinaagi sa paghisgut sa mga kasalanan sa mga nagdumala niini sa nanglabayng mga siglo.   Gihisgutan kadtong mga Pari ug mga Santo Papa nga nalambigit sa mga eskandalo sekswal, pamilya ug ang mga anak nga nahimong mga Santo.  Gitumbok pa gayod ang mga “aktibo sa sex” ilabi na kadtong Santo Papa sa tuig 1045 kinsa “migawas pagka-santo papa ug nagminyo.”  (Ang kinatibuk-ang estorya niini atong mabasa sa Facebook Page sa Parishioners of the Shrine of Mary (IHMP) Minglanilla.

Dinhi wala makapugong si Brod Roy Paraiso sa iyang nabasahan busa siya nangutana: 

“unsay tomong og toyo nimo to mention this dark part of our church history?....at this turbulent period of our beloved parish???......every person/family and community has its own mysterious past......but why sing  joyful songs during FUNERAL!!!”

Natandog ako sa mga gipahayag ni Brod Roy.  Ang nahitabo kaniadtong mga panahona nga giila nga usa ka maitom nga bahin sa kaagi sa Simbahang Katoliko nahuman na ug dili na lang unta banhawon pa aron matuki pagusab uban sa nahitabo sa atong Parokya.

Kun unsa ang mahitabo sa lima nga sila Padre Ladie, Padre Joey, Padre Nanie, Padre Oscar, ug Padre Jojo anaa na sa mga kamut sa Arsobispo.  Katungdanan na nato karon ang pag-ampo kanila ug pagpangayo ug pasaylo sa Diyos sa ilang mga binuhatan diin kadaghanan kanato wala gayoy hustong kaalam.  Hinaot pa unta nga ang atong aksiyon sa eskandalo dili mas bug-at pa sa gipas-an karon kanila.

Atong sampiton ang Mahal nga Birhen nga gabayan kita kanunay aron dili maguba ang Parokya sa Iyang Putli nga Kasingkasing.  

Mao na kini ang katapusan kong paghisgut sa kagubot karon sa Minglanilla. 
Jan. 21, 2012:  Sori kaayo nga hangtud karon nagsigi gihapon kog komenaryo sa mga hitabo apan kini gumikan sa mga dili mohunong nga panagbingki-ay sa mga tawo nga dapat unta magbinati-ay na.

SI FATHER O SA MINGLANILLA

Sa pagtikyop sa tuig 2011, nahuman usab ang Pasko sa Parokya nga akong nasinati sa unang higayon.  Ug dinhi ning maong kalihokan adunay tawo nga nakadani sa akong pagtagad bisan tuod gikan sa halayo lamang kay ang akong pangilabot sa maong kalihokan medyo may pagka-taphao man.

Serioso ug detalyado kong magplano ingog mahadlok mapakyas sa iyang buot buhaton.  May barog nga kataha-an nga kon ikaw maduol kaniya bisan hangtud sa ika-upat ka higayon maka-ingon gayod estrikto ug may pagkama-ot kining tawhana.  Gani kining akong hubad-tanaw sa tawo ilawom sa sutana mikabat ug pipila ka bulan kinuyugan sa mga tocar de oido gikan sa iyang mga higala ug mga distraktor usab.

Aduna siyay kina-iya nga mo-antos apan dili molutos.  Moratrat apan dili alingisig.  Mapursige apan maantigo sa obrang kinaugalingon.  Kugihan ug lunod patay nga mo-suporta sa kawsa ug mga kauban.  Nagpahipi diha kaniya ang pagka-perfectionista.

Sa unang higayon nga mitambong ako ug miting nga siya ang nagpatawag, namatikdan nako nga iya nang gihan-ay ang mga umaabot nga buluhaton ug si kinsa ang dapat mopatuman niini.  Gihimo niya kini samtang ang mga nanambongay naglibog kon unsay buhaton. Mao kini ang kabahin sa Fiesta de Minglanilla, nga sa unang higayon gisangon sa mga Kapelya sa Parokya.  Usa sa mga gikasabutan mao ang dies porsiyentong bahin alang sa mga kapelya nga pagakuhaon sa malikom nga donasyon.  Usa kadto ka dalaygong paagi pampagana ug pambalansi sa nagkadaghan ug nagkadagko nga pagpa-amot sa Simbahan.

Pagkasunod miting naing-gao ang gikasabutan busa bunot-bulsa gihapon ang ubang mga opisyales sa Kapelya sa binulang balayranan sa suga, tubig, ug uban pa.  Dismayado ang nanagla-om nga mo-usad na gayod ang ilang mga proyekto.

Ang hinungdan sa ilang pagkahugno mao ang kagustuhan sa laing partido nga wala makatambong sa nahaunang miting nga wagtangon ang dies porsentong pahalipay nga nasabutan na.  Ug ang matigom human sa piyesta ihatag isip tabang sa Kapelya apan unahon kadtong mas labing nagkinahanglan niini.  Samag gisagpa sa makadaghan ang tawo nga nangamahan sa maong proyekto - si Padre Oscar Ornopia. Nanglipaghong ug  wala  dayon makatingog sa dihang giguba ang iyang gipasalig sa mga Zones ug Chapel Officials nga nahibulong kaayo sa sitwasyon.  Dinhi mituyhakaw ang akong pagduda nga may kuwalisyon ug kompetisyon diay sulod sa Kombento.   

May mga tawong nahimuot sa maong hitabo apan ang mga kasingkasing sa mga taga-Kapelya nagpabiling malaomon alang kang Padre O.   Napamatud-an kini diha sa di-malalis nga pagsuporta sa Piyesta ug sa ubang proyekto sama sa Dagan Kaayuhan, Sportsfest, Pangindahay, ug ang masadya ug malamposon nga Pasko sa Parokya.   Ang naulahi suportado usab sa mga grupong pribado, relihoyoso, ug gobierno.  Gani ang halangdong Arsobispo sa Sugbo mituyo gayod ug hapit sa Minglanilla aron mohatag sa iyang pakigpulong sa okasyon petsa 30 ning bulan.

PASKO SA PAROKYA 2011

Kining tanan nagapamatuod sa bahandi ni Padre Oscar – sa iyang dedikasyon sa trabaho, sa iyang mga pag-giya ug pag-unong –  sa mga hiyas nga nakagamot na sa mga kasing-kasing sa iyang gi-alagaran ug gikauban. Bahandi nga sama sa Parol nga Bitoon andam modan-ag ug mosanag sa sunod tuig 2012

Apasumpay sa: BARANGAY WARD 4 – MOAWAS NA USAB ANG SAPA KABUNGAHAN?

MIPAKITAG GAMAYNG KA-ISOG ANG SAPA KABUNGAHAN

Disyembre 27 - Maayo gani dili kaayo kusog ang baha sa paborito kong Sapa Kabungahan Barangay Ward 4 Minglanilla.  Nabalaka ako sa kahimtang sa panahon pagkahuman gayod sa Misa sa Pasko kay misugod dayon pagdagtom ang Langit ug daw ingon sa mobuhagay na ang daghang tubig gikan sa mga water arteries sa mga silingang Barangay Vito-Cadulawan.

Sayo ning buntag, akong gi-aninaw ang kahimtang sa Sapa Kabungahan ug nakita ko nga nagkalawom kini tungod kay gianod na usab ang mga balas ug bato padulong ngadto sa ubos.  Ang pag-sige ug lawom ning maong sapa ma-undang lamang kong kini pagahimu-an ug barikadang semento sama ug spillways nga ana-a karon sa Sapa Mananga aron mapugngan ang pagdahili sa balas-bato nga maka-guba mismo sa dakong taytayan.

Ang Kahimtang Karon sa Gi-aling Puthaw

Ang dapit diin may gi-aling puthaw nahimo na karon nga usa ka dakong tambakan sa mga anod ug bisag kalag na lang sa mga tawong mipasalig kono paglimpiyo sa maong dapit wala mopatim-aw.  Sa kahinay sa tubig ug kanihit sa mga anod sa miaging duha ka adlaw, ang gi-aling puthaw wala na maka-agwanta ug nabawog gayod.  Ug may panghinaot nga sa sunod dakong pagbaha madala na kini ngadto sa Barangay Ward 2 kuyog ang mga gapnod.

May mapaabot bang pag-aksyon ang mga molupyo gikan sa mga opisyales sa Ward 4, Ward 2 o sa Munisipyo ba?  Aduna apan morag inig kahuman na sa sunod nga pag-awas sa Sapa Kabungahan kada 8 - 10 ka tuig.

ILEGAL ANG MAONG GI-ALING PUTHAW.

SUGILANON ALANG SA PASKO

Walay debosyon ang Islam kang Birhen Maria apan ang mga Muslim taas kaayog respito sa Inahan ni Hesus.  Kaniadto sa dihang gipukan ni Propeta Muhammad ang mga Pagano sa Mecca iyang gipalaksi ang tanang larawan sa mga diyos-diyos sa Balaang Kaba apan wala niya ipakanlat ang usa ka dibuho ni Maria ug sa batang si Hesus timaan sa iyang pag-ila sa Inahan ni Kristo.  Gitudlo sa Islam nga si Maria ang Inahan ni Hesus espesyal sa Diyos ug siya mao ang napili labaw sa tanang kababaehan sa tibuok kalibutan sa tanang panahon.

Ang asoy sa Pagpahibalo ni Arkanghel Gabriel sa Pag-mabdos ni Maria napatik diha sa duha ka santos nga kasulatan:  ang Santos nga Bibliya sa  Kristiyanismo ug ang Balaang Koran sa Islam.  Ang asoy sa Bibliya gisulat sa pinulungang Aramaic ingog sugilambong ug sa Koran sa Arabic ug balaknon ang pagkahan-ay.

                                                  Ang Atabay ni Maria sa Nazaret

Sigun sa karaang tradisyon dinhi ning dapita gisugilon ni Gabriel ang balita sa pag-mabdos ni Birhen Maria samtang siya nag-igib ug tubig sa atabay.  Ang atabay nasakop sa St. Gabriel Greek Orthodox Church.  Sa dili kalayoan nga bakilid makita didto ang Roman Catholic Basilica of the Annunciation kon diin adunay groto nga gituhuang dapit sa kanhi balay ni Maria.  Ang Nazareth, Israel pinuy-anan sa mga Arabong Kristiyano ug mga Arabong Muslim.

   

Ug mao kini ang nahitabo sumala ni Lukas 1:26-38

26 Nang ikaanim na buwan ng pagdadalang-tao ni Elisabet, ang anghel na si Gabriel ay isinugo ng Diyos sa Nazaret na isang lunsod sa Galilea, upang kausapin ang

27 isang dalaga na ang pangala'y Maria. Siya ay nakatakda nang ikasal kay Jose, isang lalaking buhat sa angkan ni Haring David.

28 Lumapit ang anghel sa dalaga at binati ito, "Magalak ka! Ikaw ay lubos na kinalulugdan ng Diyos. Sumasaiyo ang Panginoon!"

29 Naguluhan si Maria at inisip niyang mabuti kung ano ang kahulugan ng ganoong pangungusap.

30 Sinabi sa kanya ng anghel, "Huwag kang matakot, Maria, sapagkat naging kalugud-lugod ka sa Diyos.

31 Makinig ka! Ikaw ay maglilihi at manganganak ng isang sanggol na lalaki, at siya'y papangalanan mong Jesus.

32 Siya'y magiging dakila at tatawaging Anak ng Kataas-taasang Diyos. Ibibigay sa kanya ng Panginoong Diyos ang trono ng kanyang amang si David upang

33 maghari sa angkan ni Jacob magpakailanman. Ang kanyang paghahari ay pangwalang hanggan."

34 "Paano pong mangyayari ito gayong ako'y isang birhen?" tanong ni Maria.

35 Sumagot ang anghel, "Sasaiyo ang Espiritu Santo at mapapasailalim ka sa kapangyarihan ng Kataas-taasang Diyos. Dahil dito, ang isisilang mo'y banal at tatawaging Anak ng Diyos.

36 Hindi ba't alam ng lahat na ang kamag-anak mong si Elisabet ay baog? Gayunma'y naglihi siya at ngayo'y ikaanim na buwan na ng kanyang pagdadalang-tao kahit na siya'y matanda na,

37 sapagkat walang anumang bagay na hindi kayang gawin ng Diyos."

38 Sumagot si Maria, "Ako'y alipin ng Panginoon. Mangyari nawa sa akin ang iyong sinabi." Pagkatapos, umalis na ang anghel.

(ANOTHER NARRATIVE MAY BE READ IN MATTHEW 1:18-21.)

Ug mao kini ang mabasa sa Koran 3:45-51 (Pamilya ni Imran)

45. At wala ka roon, O Propeta ni Allâh, nang sinabi ng mga anghel: “O Maryam! Katotohanan si Allâh, binibigyan ka Niya ng magandang balita ng isang sanggol na mangyayari sa pamamagitan ng salita ni Allâh na sasabihin sa kanya na ‘kun’ – maging, ‘fa yakun’ – at ito ay magiging (maganap at ito ay kaagad na magaganap). Ang kanyang pangalan ay ‘Al-Masih, `Îsã ibnu Maryam’ (ang Messiah, Hesus na anak ni Maria) at siya ay igagalang dito at sa Kabilang-Buhay; at kabilang sa mga malalapit ni Allâh sa Araw ng Muling Pagkabuhay.”

46. “At siya ay magsasalita sa mga tao habang siya ay isang sanggol pa lamang sa duyan pagkapanganak sa kanya at makikipag-usap din siya sa kanila pagdating ng kanyang hustong gulang, ayon sa kung ano ang ipinahayag sa kanya. Ang pakikipag-usap na ito na kanyang gagawin ay pakikipag-usap bilang Propeta, pamamahayag at pagpapatnubay. At isa siya sa mga mabubuting tao, matuwid sa kanyang pananalita at gawa.”

47. Sinabi ni Maryam, na nagugulat sa balita: “Paano ako magkakaroon ng anak gayong wala naman akong asawa at hindi ako masamang babae?” Sinabi sa kanya ng anghel: “Ito ay mangyayari, hindi ito kataka-taka sa kapangyarihan ni Allâh, na Siyang lumikha ng anuman na Kanyang nais mula sa wala. Kapag Siya ay nagpasiya na lumikha ng anumang bagay, sinasabi Niya lamang dito ‘kun’ – maging, ‘fa yakun’ – at ito ay magiging (maganap at ito ay kaagad na magaganap)”

48. At tuturuan siya ni Allâh na sumulat, at ng matuwid na pananalita at gawa; ituturo (rin) sa kanya ang ‘Tawrah’ na ipinahayag kay Mousã (as) at ganoon din ang ‘Injeel’ na ipinahayag sa kanya (`Isã as).

49. At gagawin siyang Sugo sa mga angkan ni Isrâ`il at sasabihin sa kanila: “Ako ay dumating sa inyo na may dalang palatandaan mula ni Allâh na inyong ‘Rabb’ na Tagapaglikha, na nagpapatunay na ako ay Sugo mula sa Kanya. At ako ay maghuhugis mula sa luwad (clay) ng kamukha ng ibon at (pagkatapos ay) hihingahan ko ito upang ito ay maging isang tunay na ibon sa kapahintulutan ni Allâh. Pagagalingin ko ang ipinanganak na bulag, at gayundin ang mga ketongin, at bubuhayin ko ang namatay sa kapahintulutan ni Allâh. At sasabihin ko sa inyo kung ano ang inyong kakanin at kung ano ang inyong itatabing pagkain sa inyong mga tahanan.

“Katotohanan, ito ay mga dakilang pangyayari na wala sa kakayahan ng sinumang tao kundi patunay lamang na ako ay Propeta ni Allâh at Kanyang Sugo, kung kayo ay naniniwala sa katibayan ni Allâh at sa Kanyang mga talata at sumasaksi sa Kanyang Kaisahan.”

50. “Ako ay naparito sa inyo, na magpapatotoo sa kung ano ang nilalaman ng ‘Tawrah’ at ipahihintulot sa inyo sa pamamagitan ng kapahayagan mula ni Allâh ang ilan na ipinagbawal sa inyo ng Allâh upang luwagan kayo bilang Awa mula ni Allâh.

“At dala-dala ko (rin) sa inyo ang mga palatandaan mula sa inyong ‘Rabb’ na Tagapaglikha bilang patunay na ang aking mga sinasabi sa inyo ay totoo; na kung kaya, katakutan ninyo si Allâh, at huwag ninyong labagin ang Kanyang ipinag-utos, at sumunod kayo sa akin sa anumang ipinapahayag ko sa inyo mula ni Allâh.

51. “Katiyakan, si Allâh ay Bukod-Tangi na aking ‘Rabb’ at inyong ‘Rabb’ na Tagapaglikha, na ako ay nanghihikayat sa inyo tungo sa Kanya; na kung kaya, sambahin ninyo Siya. Dahil ako at kayo ay pareho sa pagkaalipin at pagpapakumbaba sa Kanya. Ito ang Matuwid na Landas.”

(ANOTHER NARRATIVE MAY BE READ IN CHAPTER MARY 19:16-26)

Makita nato sa tilma nga ang Birhen  gisapwang sa Crescent Moon.  Sama sa imahen sa
Habol Turin,  ang imahen sa Tilma sa Guadalupe gi-ila nga dili binuhat sa kamot tawhanon.  

 Dili lang mga Kristiyano ang miila sa kasantos ni Maria kay sa mga dapit diin siya nagmilagro atua usab didto ang baga nga duot sa mga Muslim sama pananglit sa Fatima, Mehico, Ehipto ug sa Lebanon.   Didto sa Mehico, usa ka tilma (panapton) nga makit-an hangtud karon gibalik-balikan pag-duaw sa Basilica sa Guadalupe, diin nadetalye ang larawan sa Mahal nga Birhen may 500 na katuig ang edad.  Kini naghulagway kaniya nga usa ka batang babaye, mga 14 o 15 anyos ang panuigon, mabdos, ug gisapwang sa bag-ong bulan o (Crescent) ang simbolo sa mga diyos-diyos sa Aztec Indians kaniadto nga nahimong simbolo sa puwersa sa kasundaluhang Muslim ubos sa mga Haring Ottoman.  Ug kining pagsapwang sa bag-ong bulan kang Maria nga makita sa maong tilma nagkahulugan sa iyang Walay Kinutubang Pagka-ulay o ¨Perpetual Virginity¨.   Ang bulan Crescent sa Islam maoy langitnong tima-an sa pagpuasa sa bulan sa Ramadhan.

May mga eskolar nga nag-ingon nga si Maria usa ka gasa sa  Diyosnong Panagdait ug instrumento sa pagsinabtanay ug panaghiusa diha sa kaluwasan sa kalag.  Apan dili sa tanang higayon magka-uban ang Kristiyanismo ug Islam kabahin ni Maria.  Bisan sa hugot nga pag-ila kaniya, ang mga Muslim magpa-distansya gayod sa higayon nga kupuan na si Maria Birhen sa bisan unsang tawhanong pulong o ritwal nga alang lamang sa Makagagahom nga  Diyos.  Wala hinuoy doktrina sa Islam nga nagdili pagbuhat ug usa ka sosyal nga selebrasyon kabahin ni Maria sama pananglit sa panahon sa Pasko.  Gitudlo sa Islam nga ang tanang klaseng pagsimba, pagampo, ug pagdayeg alang lamang sa usa ka Diyos nga si Allah.  Ug mao usab kini ang gisugo ni Yahweh/Elohim, ang Diyos nga gisimba ug gipakabutaan ni Abraham - ang Patriarka sa Hudaismo, Kristiyanismo, ug Islam.  Apan kining pagka-distansya usa ka konsepto lamang.  Gani ang mga Kristiyano sa nagkalahing sekta adunay panag-bulag usab sa mga gituho-an kabahin sa Inahan sa Diyos (Angelicano, Orthodox, Romano Katoliko, ug uban pa).  Ang mga Hudiyo lamang maoy nalahi sa tanan kabahin ni Maria ug sa iyang Anak.  

Ang bito-ong metal ning larawan maoy gituho-an nga dapit diin natawo si Hesus.  Anaa kini sulod sa Church of the Nativity Bethlehem, Israel.  Makaplagan usab sa maong dapit ang magka-silingang mga simbahan sa Orthodoxo ug Armenian Apostoliko.  Ang Bethlehem ang kanhi Siyudad ni David pinuy-anan karon sa mga Palestinong Kristiyano ug Muslim.