Ang Sunflower adunay talagsaong kinaiya sa pagsunod sa lihok sa haring adlaw. Tungod niini nahimo kining simbolo sa pagyukbo (adoration) ug sa pagpananom (greening). Tungod sa iyang mabulokong kolor, ang Sunflower bahagi na sa hardin ug altar ni Maria Birhen. Kini usab mao ang State Flower sa Kansas, National Flower sa Ukraine, ug piniling bulak sa Kitakyushu Japan. Inila ang sunflower oil products sa nasod Russo, Ukrano, Argentina, Espanya, ug sa Sentrong Silangan. Ug alang sa mga na in-love ang Valentine Sunflower nga may abohon-kapeng kolor makita sa mga klas nga flower shops sa Uropa ug sa Estados Unidos. Ang Sunflower usab nahimo nang bahagi sa panambal sa mga sakit.
OH BILILHONG SUNFLOWER
Gitisok ang liso didto sa KACOM
Liso miturok sa walay pagsibol
Sa pikas tampi sa Sapa Kabungahan
Sa luna diin makita karon ang
KAPELYA SA MAHAL NGA BIRHEN SA FATIMA.
Ang dapit SUNFLOWER nga walay sunflower ania sa Ward 4 ning Lungsod sa Minglanilla. Maabot kini sa walay pagka-saag sa pinobreng habal-habal ride. Ug ang Kapelya niini natukod niadtong tuig 1991 ug karon may dul-ag usa ka gatos na ka miembro, mga molupyo nga nagkahiusa pagpasidungog sa Birhen sa Fatima. Ang dapit SUNFLOWER maoy usa ka hamugawayng dapit; malinawon, alegre, sagana sa kakugi ug pagtinabangay. Ug tungod niining mga hiyas nga maka-Maria buhong ang taga-Sunflower sa mga kalihukang kultural, kahimsug, ug pag-negosyo sama pananglit sa hanging rice (PUSO), puso tapol, ug puso mais by special order.
Biente anyos na ang nakalabay apan padayon sa gihapon ang pagawit sa mga himno ni Maria ug ning adlaw Biyernes petsa 25 sa Pebrero 2011 ang mga taga-Sunflower nagsalo sa Santos nga Misa nga gihalad ni Padre Ladie Tangente kinsa maoy nagpapanumpa sa mga bagong napiling opisyales sa Kapelya sa Mahal nga Birhen sa Fatima nga mao sila-
Monalisa T. Pardillo - Presidente
Hutchiel T. Dejan - Bise-presidente
Myrna S. Seguisabal - Tresorera
Jerelyn R. Sayon - Awditor
WESTY:
Worship - Ma. Leonora Teresa D. Gonzaga ug Jennifer B. Nudalo
Education - Neneth D. Letegio, Judy Ann R. Sayon, ug Girlie D. Alicaya
Service - Marilyn D. Reroma ug Judith D. Balero
Temporalities- Lorna D. Tabora ug Rosalia Capilitan
Youth - Ma. Fatima D. Tan ug Ma. Teresa S. Devero
Advisers - Ramon D. Tabora ug Eugenio B. Villasencio
 |
| The Officers with Father Ladie |
Magpadayon unta nga ang SUNFLOWER Ward 4 magpabiling espesyal nga dapit sa mata sa Diyos diha sa Inahanong Pag-amuma sa Birhen sa Fatima.
 |
| Ang Altar sa Adlaw sa Panumpa |
No comments:
Post a Comment