ALANG SA KASAYURAN SA TANAN:

         ANG SENIOR CITIZENS OSCA I.D.

Ang tanang Pinoy citizens nga nagpanuigon 60 anyos pataas nagkinahanglan sa Senior Citizens OSCA I.D. aron ma-iya ang mga benepisyo sa RA 9994 ug uban pa.

1)  Unsa man ang mga gikinahanglan paglukat sa Senior Citizens OSCA I.D.?
          f.  5% diskwento sa mga groceries samag bugas, lansang, gatas, karne, ug daghan pang mga benepisyo

          Birth certificate, duha ka hulagway nga 1x1 ug application form nga makuha libre sa oficina sa OSCA Head sa Municipyo sa Minglanilla.

2)  Unsa man ang mga benepisyo sa usa ka Senior Citizens I.D. Holder?

          Ang sagad nga mga benepisyo mao kini (R.A. No. 9994, 9257, 9504):

          a.  20% diskwento ug ang dili pagbayad sa 12% VAT sa mga tindahan, ospital, klinika, botika, laboratorio, otel, punenarya,   tanang sentro sa panglawas, lodging house, restaurant, ug sa uban pa. 

         

          b.  20% diskwento sa professional fees (doctor, medical attendant) ug     home-care services.

          c.  20% diskwento sa Plitehan sa bus, jeepney, taxi, shuttle service,        tren, light rail transit, barko, eroplano, ug uban pa.

          d.  20% diskwento sa mga sinehan, circu, concerto, ug uban pa.

          e.  5% diskwento sa tubig (up to 30 cu.m.) ug koryente (up to 100 kw);

3)  Pila may bayad paglukat sa maong Senior Citizens I.D.?

          LIBRE UG WALAY BAYAD kini.

4)  Unsa man nang MIMUFESCAP?

          Ang MIMUFESCAP nagkahulugan ug Minglanilla Municipal Federation of Senior Citizens Association of the Philippines.  Mao kini ang inahang-kapunungan sa 19 ka Barangay Senior Citizens Chapters sa Lungsod sa Minglanilla.

          Usa kini ka non-profit, non-stock, non-governmental organization nga rehistrado sa Securities and Exchange Commission ug sa Buhatan sa Rentas Internas.

          Sa pagka-karon ang ofisina sa MIMUFESCAP ana-a sa karaang munisipyo sa Minglanilla.

5)  Nganong magpa-miembro man sa MIMUFESCAP?

         Aron madawat ang uban pang mga benepisyo sama sa financial, medical ug economic assistance.

          Ang pagpa-sakop sa MIMUFESCAP maghatag sa katungod pag-apil sa mga aktibidades sa tibuok tuig sama pananglit sa:  General Assembly Meeting, Senior Citizens Day Celebration, sa mga kalihokan sa Pasko, Fiesta, Valentines, ug uban pang kalihokang sibiko nga pasi-ugdahan sa Lokal nga Kagamhanan ug sa MIMUFESCAP.  Mapahimuslan usab ang kahigayonan sa pagpili ug pagpapili isip opisyal sa Pederasyon, lokal o nasyonal.

6)  May balayranan ba pagpa-miembro sa MIMUFESCAP?  

          Ang usa ka kapunungan dili makabarog kong walay pundong salapi.  Busa adunay obligasyon ang magpa-miembro sa MIMUFESCAP ug ang balayranan mao kini:

          P100.00 isip registration fee (kausang pagbayad lang)

          P  50.00 isip tinuig nga membership fee

7)  Aduna pa bay laing balayranan gawas niini sa bag-ong magpa-miembro?

          Aduna apan boluntaryo ang pagapil niini ug gitawag kinig Mutual Aid o burial assistance fund.

8)  Unsa man kining Mutual Aid ug nganong angay magpasakop man niini?

          Ang mutual aid fund nga karon mokantidad nag P9,000.00 makatabang kaayo sa panahon sa kaguol kon ang usa ka miembro molalin na sa laing kalibutan.    

          Sa balayranan nga P50.00 matag bulan o P600.00 ang tuig, madawat dayon sa mga hitungdang (immediate family members) ang kantidad nga P9,000 dala lamang ang death certificate ug I.D. sa mipanaw nga miembro.

9)  Unsa man pa man ang angay hibalo-an sa maong Mutual Aid o Burial Assistance Fund?

          Angayan hibaloan sa magpa-miembro ug sa mga kabanay niya kining mosunod nga mga punto:

1. Ang first time member sa Pederasyon gikinahanglan mobayad ug tulo ka bulang advance payments nga mokantidad ug P150.00.
2. Adunay waiting period diin ang bag-ong miembro mohulat pag dose ka bulan una siya mo-qualify sa hinabang nga P9,000.00. Hinuon kon hikabsan sa kinabuhi gumikan sa bisan unsang aksidente sulod sa termino sa waiting period, aduna siyay madawat nga hinabang pinansyal apan dili ang kinatibuk-ang P9,000.00.
3. Ang late nga pagbayad sa binuwan nga P50 sa mutual aid fund gikinahanglan nga dili molapas sa duha ka bulan o 60 days aron malikayan ang pagkapaso o ang automatic cancellation sa membership sa mutual aid assistance ug sa kuyog-benepisyo niini.
4. Ang tanang gibayad sa mutual aid fund alang sa nagpa-miembro lamang ug kini dili refundable or transferable.

10) May lain pa bang angayan nga hisayran ang usa ka Senior Citizen?

          Sa mga butang nga wala maapil dinhi, palihug pakig-kita lamang sa OSCA Head o sa Presidente sa Kapunungan o sa usa ka piniling opisyal sa MIMUFESCAP kon walaymahatag nga impormasyon ang Chapter Presidents sa barangay.

(Writer’s Note:  Please advise me by email for any erroneous entry so it can be immediately corrected.  My E-mail Address is:   roidevillordon2011@gmail.com