SALIMUANG SA GUGMA

Adunay estorya nga nagkanayon nga tungod sa pagkabigo niya sa gugma, nahimong Christian hunter si San Pablo sa wala pa siya gitawag ni Kristo.  Kay bisan sa hataas niyang kasinatian sa Torah ug sa Roman Law, nahimo gihapon siyang inayran sa labing maanyag nga Hudiyo ug asawa ni Haring Nero, si Popea.    Dinhi maingon nato nga si San Pablo nabiktima sa gugmang bali o ma-gog (variant of ma-gug) nga kapangalan sa mga manggugubat alang sa katapusang kumbate sa maayo ug daotan (Pinadayag 20).

Sa pagkatapos sa kinabuhi sa Paraiso, ang Gugma nabahiran ug mga Lingla tungod sa naawop nga kahayag sa grasya.  Ug tungod niini, ang tanang paghigugma nga mosulpot sa tawo dili gayod angayan ihalad sa Diyos.

Tinuod dili masayop si Jesus apan ang mga manuscrito sa Iyang pulong-sinulat gipasa-kopya na sa mga manunulat nga wala gani makakita sa iyang Nawong.  Busa tungod niini posible kaayo nga usa sa Iyang gitugon mao gayod kini:     Paghigugmaay Kamo, sama nga ako nahigugma kaninyo. SUNDA ang Diyos ug HIGUGMAA ang imong isigkatawo sama sa paghigugma mo sa imong kaugalingon!

Si Abraham giila sa Diyos nga Iyang higala ug kini dili tungod sa Gugma kon dili tungod sa pagsunod-sugot (righteousness) ni Abraham Kaniya!  Ug nganong hingpit man ang gugma ni Kristo, dili kini tungod sa Iyang Pagkatawo kon dili tungod kay gikan Siya sa Diyos nga maoy Gugmang Putli.  Busa dawaton nato karon nga ang gugma ni Pedro gituktugaok lang sa manok tungod kay kini  gugmang walay angay gugmang mituyhakaw uban ang lingla, gugmang kalibutanon nga magpabiling mantsado gayod.

Gikinahanglan ba ang Gugma didto sa Langit?

Ang Langit gilukpan sa Gugmang Diosnon sa walay katapusang kalinaw ug kalipay, nga gipalig-on diha sa Pagsunod sa Diyos.  Ang mga nanimuyo didto, ilabi na ang mga santo ug martir, gihiusa sa maong Gugma kay lagi dili na man sila tawhanon.  Ug ang ilang pagabuhaton mao na lamang ang pagsunod-sugot sa Dios sama sa gibuhat ni Abraham.  Walay lugar ang Langit sa gugmang kalibutanon nga nahabiling nadugta-nawala sa yuta.

Okay lang, try lang nga maghigugmaay kita dinhi sa Kalibutan kay gitahasan man kita sa pagsinabtanay ug sa pagpuyong malinawon diha sa pagsunod sa Kabubut-on sa Diyos.  Apan mas-labing okay kun Sundon nato ang Diyos labaw sa tanan ug Higugmaon nato ang atong isig-kaingon sa paagi nga gitudlo ni San Pablo sa 1 Corinto 13 kay wala nay makalabaw pa sa iyang pagbana-bana sa mga buluhaton sa mga tawo nga buot magpa-ulipon sa Gugma dinhi sa ibabaw sa yuta.  Ug mao kini ang iyang sinulat:

“Ang gugma mapailubon ug mapuangoron. Ang gugma dili masinahon, dili tigpagawal.

Ang gugma dili tigpaburot, dili bastos, dili maakop-akopon, dili masuk-anon o maligotguton; ang gugma wala magakalipay sa mga buhat nga dili matarung, hinonoa nagakalipay kini sa mga butang nga maminatud-on.

Ang gugma mopailub sa tanang mga butang, motoo sa tanang mga butang, molaum sa tanang mga butang, moantus sa tanang mga butang.”